O venres pola noite acudín ao concerto de Marful en Vigo. Excelente, como non podía ser doutro xeito, malia a acusada afonía que Ugia trouxo consigo de Cuba a consecuencia dunha gripe. O éxito do grupo no García Barbón foi clamoroso. Aínda que non podo ofrecer imaxes dese concerto de Marful, si podo ofrecer, en cambio, imaxes dunha das actuacións de Ugia Pedreira na Habana. Estes dous curtísimos vídeos, que eu mesmo fixen coa cámara de fotos, pertencen a súa actuación no Patio de los Laureles, na Feira Internacional do Libro da Habana, onde saíu ao escenario unicamente coa súa voz e unha pandeireta.
Ningún comentario:
Non se permiten novos comentarios.